Kantara ચેપ્ટર 1 કલેક્શનઃ સાઉથના સુપરસ્ટાર ઋષભ શેટ્ટીની ફિલ્મ Kantara Chapter 1 Collection દર્શકો તરફથી અપાર પ્રેમ મળી રહ્યો છે. આ ફિલ્મે રિલીઝ થતાં જ બોક્સ ઓફિસ પર લગભગ 11 ફિલ્મોનો રેકોર્ડ તોડી નાખ્યો છે. હવે આ ફિલ્મે વિદેશમાં ધૂમ મચાવી દીધી છે અને ફિલ્મના બજેટ કરતા બમણી કમાણી કરી છે. એટલું જ નહીં તેણે 10 વર્ષ પહેલા બનેલી ફિલ્મનો રેકોર્ડ પણ તોડ્યો છે.
જૂની ફિલ્મનો તૂટ્યો રેકોર્ડ
પહેલા દિવસે એટલે કે દશેરાના દિવસે 60 કરોડની કમાણી સાથે ઓપન થયેલી ફિલ્મ Kantara Chapter 1 એ વિશ્વભરમાં 125 કરોડની કમાણી કરીને ફિલ્મનું બજેટ પાછું મેળવી લીધું છે. જોકે, હવે ઋષભ શેટ્ટીની ફિલ્મ બોક્સ ઓફિસ પર અન્ય ફિલ્મો માટે એક મોટો પડકાર બની ગઈ છે. કારણ કે ‘કાંતારા ચેપ્ટર-1’ એ માત્ર 5 દિવસમાં વિશ્વભરમાં 10 વર્ષ જૂની ફિલ્મનો રેકોર્ડ તોડી નાખ્યો છે અને બજેટ કરતાં બમણી કમાણી કરી છે.
Kantara Chapter 1 વિદેશમાં ધમાકેદાર કમાણી કરે છે
Kantara Chapter 1 ના પોસ્ટર રિલીઝ થયા પછી, આ ફિલ્મ ખૂબ જ લોકપ્રિય થઈ રહી છે. ફિલ્મનું ટીઝર રિલીઝ થતાં જ, ભારત અને વિદેશમાં દર્શકો આ ફિલ્મની આતુરતાથી રાહ જોઈ રહ્યા હતા. આ ફિલ્મ ઓસ્ટ્રેલિયા, જર્મની, મલેશિયા, ન્યુઝીલેન્ડ, યુનાઇટેડ સ્ટેટ્સ અને યુનાઇટેડ કિંગડમ જેવા દેશોમાં પણ રિલીઝ થઈ હતી. ફક્ત યુનાઇટેડ સ્ટેટ્સમાં, ઋષભ શેટ્ટીની ફિલ્મે $૨,૪૧૧,૦૫૭ ની કમાણી કરી હતી, જે ભારતીય ચલણમાં ૨૧ કરોડ ૩૯ લાખ રૂપિયા થાય છે.
કેટલી કમાણી કરી ?
Kantara Chapter 1 વિદેશોમાં જંગી કમાણી કરી રહી છે. એક અહેવાલ મુજબ, ફિલ્મે માત્ર 5 દિવસમાં વૈશ્વિક સ્તરે 362.75 કરોડ રૂપિયાની કમાણી કરી છે. વિદેશી બજારમાં ફિલ્મનું કલેક્શન 55.75 કરોડ રૂપિયા સુધી પહોંચી ગયું છે.
૧૦ વર્ષ જુનો ફિલ્મનો રેકોર્ડ તૂટી ગયો
ઋષભ શેટ્ટી દ્વારા દિગ્દર્શિત Kantara Chapter 1 એ બેંગ-બેંગ, એક થા ટાઇગર, ધ કાશ્મીર ફાઇલ્સ, ઉરી: ધ સર્જિકલ સ્ટ્રાઈક, ફાઇટર, દશ્યામ અને રાની કી પ્રેમ કહાની જેવી બ્લોકબસ્ટર ફિલ્મોને પાછળ છોડી દીધી છે, પરંતુ હવે આ ફિલ્મે દીપિકા પાદુકોણ અને રણવીર સિંહની બ્લોકબસ્ટર ‘બાજીરાવ-મસ્તાની’ને પણ પાછળ છોડી દીધી છે જે 10 વર્ષ પહેલા આવી હતી. તેણે બોક્સ ઓફિસના રેકોર્ડ પણ તોડી નાખ્યા છે. જે 355 કરોડ રૂપિયા હતી.